85 аллея барлыҡҡа килгән

“Йәшел Башҡортостан” акцияһында быйыл 210 мең кеше ҡатнашҡан.

Был турала Республика Башлығы Радий Хәбиров үҙенең социаль селтәрҙәрҙәге сәхибәһендә яҙа.

 Мәктәп уҡыусылары, студенттар, ирекмәндәр, хеҙмәт коллективтары әүҙемлек күрһәткән.  Барлығы 76 меңдән ашыу ағас һәм ҡыуаҡтар ултыртылған, уларҙың 18 мең тирәһе – эре үҫентеләр. Ҡала-райондарҙа тематик йүнәлешле 85 аллея барлыҡҡа килгән. Уларҙың күптәре төрлө осорҙағы геройҙарыбыҙға арналған.