Һәйкәл килеп етте

Өфөнөң Совет майҙанына генерал Шайморатов һәйкәлен килтерҙеләр, тип яҙа "Башинформ" мәғлүмәт агентлығы. 

112-се Башҡорт кавалерия дивизияһының легендар командиры, Рәсәй Геройы Миңлеғәле Шайморатов һәйкәле әле постамент эргәһендә тора.

Билдәле булыуынса, һәйкәл проекты асыҡ конкурста һайлап алынғайны. Авторы - скульптор, тамырҙары башҡор милләтенә барып тоташҡан Салауат Щербаков. Республика рәссамдары һәм скульпторҙары тәҡдиме менән монументтың ике яғына колонналар ҡуйырға хәл ителде. Һәйкәлгә нигеҙҙе быйыл апрель айында һала башланылар.