Вирус йоҡтороуҙар яйлап ҡына кәмей

Республикала коронавирус йоҡтороуҙар яйлап ҡына кәмей башланы. Мәҫәлән, тәүлек эсендә инфекция 623 ауырыуҙа асыҡланған ( мәҫәлән, кисә был һан – 674, өсөнсө көн 714 ине). Аҙаҡҡы 24 сәғәттә унан һауығыусылар – 740.

Башҡортостанда ковид йоҡтороусыларҙың дөйөм һаны 321, 9 меңгә яҡын.

 Һаулыҡ һаҡлау министрлығы әйтеүенсә, әле дауаханала 239 ауырыу ята, амбулатор шарттарҙа дауаланыусылар – 4,4 меңдән ашыу.

Вакцинацияға килгәндә, республикала прививканың ике компонентын да яһатыусылар – 3,119 миллионға яҡын.

Фото “Башинформ”дан алынды.