Башҡортостанға 586 миллион һум аҡса бирәләр

Атап үтелгән сумма Рәсәй хөкүмәтенең резерв фондынан иген етештереүселәргә ярҙам күрһәтеү өсөн бүленә.

Тейешле бойороҡҡа Рәсәй премьер-министры Михаил Мишустин ҡул ҡуйған.

Документтан күренеүенсә, аҡса аграрийҙарҙың бойҙай, арыш, арпа һәм кукуруз етештереүгә һәм һатыуға киткән сығымдарының 50% тиклемен ҡаплау өсөн йүнәлтелә.

Дөйөм алғанда, илдең 64 төбәге 10 миллиард һум күләмендә өҫтәмә ярҙам алырға тейеш.