Башҡортостан Һаулыҡ һаҡлау министрлығы мәғлүмәттәре буйынса, республикала һуңғы тәүлектә коронавирус 876 ауырыуҙа асыҡланған.
Әле дауаханала 304 сырхау ковидҡа ҡаршы көрәшә, уларҙың 198-е – өлкән йәштәгеләр. 13 сирленең хәле ауыр, береһе яһалма һулыш аппаратына тоташтырылған. Амбулатор шарттарҙа дауаланыусылар – 4 314, шул иҫәптән 1 297-һе – 60 йәштән өлкәнерәк.
Тәүлек эсендә 857 кеше зәһәр инфекциянан һауығыуға өлгәшкән. Ҡыҙғанысҡа ҡаршы, вирус йәнә ике яҡташыбыҙҙың ғүмерен өҙгән.
Дауахананан тыш пневмония хаҡындағы мәғлүмәттәр түбәндәгесә: аҙаҡҡы 24 сәғәттә үпкә ялҡынһыныуы 12 ауырыуҙа раҫланған, унан сәләмәтләнеүселәр – 13.
Республикала ковидҡа ҡаршы вакцинация әүҙем бара. Прививканың беренсе компонентын ҡаҙатыусылар – 3 298 901 (планда билдәләнгәндең 132,8 проценты). Икенсе компонентын да эшләтеүселәр – 3 073 267 (123,7 процент). Ревакцинация үтеүселәр – 872 465.
Фото “Башинформ”дан алынды.