Ислам университетының яңы бинаһы асылды

Өфөлә уҙған “Диндәге традицион ҡиммәттәр: диалог һәм хеҙмәттәшлек” фәнни-ғәмәли конференция сиктәрендә Рәсәй мосолмандары Үҙәк диниә назараты ҡарамағындағы Өфөләге Ислам университетының Туҡай урамында урынлашҡан яңы корпустары асылды.

Тантанала Башҡортостан Башлығы Радий Хәбиров ҡатнашты.

"Илебеҙ - миллионлаған мосолман өсөн тыуған йорт. Ике быуаттан ашыу Рәсәйҙә Исламдың рәсми үҙәге беҙҙә – Башҡортостанда эшләй. Юғары мөфтөй, хөрмәтле Тәлғәт хәҙрәт Тажетдин дүрт тиҫтә йыл дауамында танылған рухи лидерыбыҙ булып тора. Беҙҙең өсөн ул – ысын патриот", - тине республика етәксеһе.

Олег Яровиков фотолары.