Бер тәүлектә 581 ауырыу өҫтәлгән

Башҡортостанда үткән тәүлектә коронавирус 581 сырхауҙа асыҡланған, унан ике яҡташыбыҙ донъя ҡуйған. Пандемия башланған алып вирус йоҡтороусылар – 306 меңдән ашыу, ә инфекциянан вафат булыусылар – 5 801, тип хәбәр итә республиканың Һаулыҡ һаҡлау министрлығы.

Әле дауаханаларҙа 236 ауырыу ковидҡа ҡаршы көрәшә, уларҙың туғыҙы ауыр хәлдә, берәүһе яһалма һулыш аппараты ярҙамында тын ала. Өйҙә дауаланыусылар – 3 322.

Тәүлек эсендә инфекциянан 157 кеше һауыҡҡан.

Республикала коронавирусҡа ҡаршы вакцинация әүҙем дауам итә. Уның ике компонентын да яһатыусылар – 3 014 802 (прививка ҡаҙатырға тейешле халыҡтың 121,3 проценты). Уҙған тәүлектә генә лә 11,8 меңгә яҡын кеше вакцина эшләткән. Прививканы ҡабаттан яһатыусылар – 851 426.

Фото “Башинформ”дан алынды.