Етем балаларҙы торлаҡ менән тәьмин итеү программаһын финанслау артҡан

 Башҡортостанда етем һәм атай-әсәй ҡарауынан мәхрүм балаларҙы торлаҡ менән тәьмин итеү программаһын финанслау артҡан.

Быйыл уның күләме 61 процентҡа күбәйеп, 1 миллиард ярым һум тәшкил итә. 269 миллион һумы – федераль ҡаҙнанан.

Етем һәм атай-әсәй ҡарауынан мәхрүм балаларға бүленгән финанс сығанаҡтар буйынса, Башҡортостан – Волга буйы федераль округында икенсе урында. Ағымдағы йылда 425 кеше фатирлы булған. Әммә етем һәм атай-әсәй ҡарауынан мәхрүм балаларҙың бөтәһе лә торлаҡ менән ваҡытында тәьмин ителмәй. Республика Хөкүмәте Премьер-министры Андрей Назаров мәсьәләне хәл итеүҙе тиҙләтеү өсөн эшсе төркөм булдырырға ҡушҡан.

Унда Башҡортостандың Торлаҡ һәм архитектура министрлығы, Дәүләт Йыйылышы-Ҡоролтай, Хөкүмәт аппараты һәм муниципалитеттар вәкилдәре инәсәк.

Республикала 2025 йылға тиклем 18 йәштән өлкән етем-балаларҙы торлаҡ менән тәьмин итеүҙә барлыҡҡа килгән бурысты бөтөрөү программаһы ҡабул ителгән.

Фото: асыҡ сығанаҡтарҙан.