Халыҡ яҙыусыһының юбилейына арнала

13 сентябрҙә Өфөнөң «Торатау» конгресс-холында «Башҡортостандың халыҡ яҙыусыһы Таңсулпан Ғарипованың милли әҙәбиәтте һәм мәҙәниәтте үҫтереүгә индергән өлөшө» Бөтә Рәсәй ғилми-ғәмәли конференцияһы үтә.

Башҡортостандың Мәҙәниәт министрлығы, Милли әҙәбиәт музейы, Мәжит Ғафуриҙың мемориаль йорт-музейы, республиканың Яҙыусылар союзы ойошторған сара яҡташыбыҙҙың 75 йәшлек юбилейы арнала.
Баш ҡаланан һуң Таңсулпан Ғарипованың юбилейына бағышланған кисәләр яҙыусы оҙаҡ йылдар йәшәп, ижад иткән Сибай ҡалаһында, тыуған Баймаҡ районында дауам итәсәк.