Үҫмер иҫенә килгән

Сибай эргәһендәге «Юлдаш» балалар лагерында бәхетһеҙ осраҡҡа тарыған үҫмер иҫенә килгән.

«Пациент үҙ аңында. Хәле тотороҡло ауыр тип баһалана, баш һөйәге йәрәхәтләнгән», - тип хәбәр иттеләр Башҡортостан Һаулыҡ һаҡлау министрлығының матбуғат хеҙмәтенән.

Хәтерегеҙгә төшөрәбеҙ: «Юлдаш» балалар лагерында 15 йәшлек үҫмергә металл конструкция ҡолап, башы ныҡ йәрәхәтләнгәйне. Бер нисә көндән кома хәлендәге малайҙы табиптар санавиация менән Өфөгә алып китте.

Тәфтишселәр Рәсәй Федерацияһы Енәйәт кодексының 238-се статьяһы 2-се өлөшө (хәүефһеҙлек талаптарына яуап бирмәгән хеҙмәттәр күрһәтеү, шул арҡала кешенең һаулығына ауыр зыян килтереү) буйынса енәйәт эше ҡуҙғатҡан.