Әлшәй пенсионерҙары республика буйлап сәфәр ҡыла

Әлшәй районында йәшәүсе пенсионерҙар ҙур теләк менән “Башҡорт оҙон ғүмерлелеге. Туризм” проектында ҡатнаша. Бөгөн хаҡлы ялдағы бер төркөм әлшәйҙәр Торатауға бер көнлөк сәфәргә юлланған. Был турала район хакимиәте башлығы Дамир Мостафин үҙенең социаль селтәрҙәге сәхифәһендә хәбәр итә.

“Башҡорт оҙон ғүмерлелеге. Туризм” проекты бик популярға әйләнде. Унда ҡатнашыусылар тыуған яҡты яҡшыраҡ өйрәнеп кенә ҡалмай, бергәләшеп ял итә, аралаша, был иһә өлкән йәштәгеләр өсөн бик мөһим”, – тип яҙа Дамир Мостафин.

Фото Дамир Мостафиндың “Бәйләнештә” селтәрендәге сәхифәһенән.