Ауыл урамына асфальт һалынды

Хәйбулла районынның Бәләкәй Арыҫланғол (Вәзәм) ауылы халҡы, "Айыҡ ауыл" конкурсында ҡатнашып, еңеү яулаулағайны.

Дүрт миллион һум приз аҡсаһын вәзәмдәр хоккей коробкаһы, балалар майҙансығы, урам сәхнәһен төҙөүгә һәм башҡа төҙөкләндереү эштәренә йүнәлтергә ниәтләй.

Район гәзите “Хәйбулла хәбәрҙәре” үҙенең сайтында хәбәр итеүенсә, район хакимиәте башлығы Рөстәм Шәрипов та Бәләкәй Арыҫланғол (Вәзәм) ауылы халҡына үҙенән бүләк эшләгән – Йәштәр урамына асфальт һалдырған. "Элек урамдан техника үтһә саң туҙаны күтәрелә ине, ямғыр ваҡытында, яҙлы- көҙлө бысраҡ булды, хәҙер инде ялтырап ятҡан асфальттан ғына йөрөйәсәкбеҙ",- тип ҡыуана был урамда йәшәүселәр.