Телефон тыйыла

Уҡыусыларға хәҙер дәрес ваҡытында кеҫә телефонын ҡулланыу тыйыла. Был хаҡта Рәсәй Мәғариф министры белдерҙе.

Яңы уҡыу йылынан мәктәптә гаджеттарҙы файҙаланырға ярамай. Мәғариф министры Сергей Кравцов Бөтә Рәсәй ата-әсәләр йыйылышында ошо хаҡта белдерҙе.

«Әгәр балаларҙың ниндәйҙер һорауҙары булһа, шылтыратырға рөхсәт ителә. Яңы санитар ҡағиҙәләргә ярашлы, 1 сентябрҙән дәрестә кеҫә телефонын ҡулланыу тыйыла», – тине Кравцов.