Радий Хәбиров республика халҡын Белем көнө менән ҡотланы

Башҡортостан Башлығы Радий Хәбиров социаль селтәрҙәге сәхифәһендә республика халҡын Белем көнө менән ҡотланы.

«Беренсе класҡа барған 55 мең уҡыусыбыҙ иртә һайын яратҡан уҡытыусылары һәм дуҫтары менән осрашып ҡыуанһын! Башҡортостандың 500 мең уҡыусыһы — яҡшы уҡығыҙ һәм йәшәү юлын дөрөҫ һайлағыҙ! Башҡортостанда 200 меңгә яҡын юғары уҡыу йорто һәм колледж студенты бар. Бөтәгеҙҙең дә, уҡып сығып, ысын кеше булыуығыҙҙы теләйем! Уҡыусыларҙы, уларҙың ата-әсәләрен, уҡытыусыларҙы яңы уҡыу йылының башланыуы менән ҡотлайым», — тип яҙҙы Радий Хәбиров.

Республика етәксеһе уҡыу йылының уңышлы һәм ҡыҙыҡлы үтеүен теләне.