250 сырхау – стационарҙа, ике меңдән ашыуы өйөндә дауалана

Башҡортостан Һаулыҡ һаҡлау министрлығы хәбәр итеүенсә, пандемия башланғандан алып республикала ковид йоҡтороусылар 299 148-гә еткән. Аҙаҡҡы тәүлектә коронавирус инфекцияһы диагнозы 432 ауырыуға ҡуйылған.

Бөгөнгө көндә дауаханаларҙа 250 сырхау яһил сиргә ҡаршы көрәшә. Амбулатор шарттарҙа дауаланыусылар – 2 009. Тәүлек эсендә 625 кеше инфекциянан сәләмәтләнгән. Унан һауығыусыларҙың дөйөм һаны – 291 104.

Һуңғы 24 сәғәттә коронавирустан вафат булыусылар юҡ, тип билдәләй табиптар. Республикала зәһәр вирустан өҙөлгән ғүмерҙәр 5 785 иҫәпләнә.

Фото "Башинформ"дан алынды.