Дзюдо буйынса бөтә Рәсәй оҫталыҡ турнирында яҡташыбыҙ алтын миҙал яуланы

Башҡортостан көрәшсеһе Хәсән Нуриев 26-29 августа Тольяттиҙа уҙған Һамар өлкәһе губернаторы кубогына дзюдо буйынса бөтә Рәсәй оҫталыҡ турнирында алтын миҙал яуланы.

Республиканың Спорт министрлығы хәбәр итеүенсә, спортсы, Рәсәйҙең спорт мастеры нормативын үтәп, 60 килограмм ауырлыҡ категорияһында шәп һөҙөмтә күрһәтте.

Республикабыҙҙың тағы бер вәкиле  Хөсәйен Нуриев ярыштан бронза миҙал менән ҡайтты.

https://www.bashinform.ru/news/sport/2022-08-30/hasan-nuriev-zavoeval-zoloto-vserossiyskogo-masterskogo-turnira-po-dzyudo-2928415