Вакцинацияны тулыһынса үтеүселәр – 2,9 миллиондан ашыу

Башҡортостан ковидҡа ҡаршы коллектив иммунизация буйынса Рәсәй субъекттары араһында дүртенсе урынды биләй. Был күрһәткес 12,5 процент тәшкил итә, тип белдерҙе Хөкүмәттең оператив кәңәшмәһендә һаулыҡ һаҡлау министры Айрат Рәхмәтуллин.

Был – вакцинация кампанияһы һөҙөмтәһе. Республикабыҙҙа 2,9 миллиондан ашыу кеше вакцинацияны тулыһынса үткән.

“Бөгөнгө көндә беҙҙә ике компонентлы “Спутник V” вакцинаһы етерлек. Методик рекомендацияларға ярашлы, тотороҡло иммунитет булһын өсөн, тап ике компонентлы препаратты ҡаҙатырға тәҡдим ителә”, – тип билдәләй Айрат Рәхмәтуллин.

Фото "Башинформ"дан алынды.