Руль артына ултырған иҫеректәр һаны арта

Дәүләт автоинспекцияһы хеҙмәтенән хәбәр итеүҙәренсә, үткән тәүлектә спиртлы эсемлек эсеп машина менән идара иткән 32 кеше асыҡланған.

Уларҙың дүртәүһе икенсегә тотолған.

Кисә барлығы 12 автомобиль аварияһы теркәлгән. Уларҙа бер кеше үлгән, 14-е тән йәрәхәттәре алған.

М-5 “Урал” трассаһының 1373-сө саҡрымында Октябрьский – Өфө маршруты буйынса хәрәкәт иткән “КАвЗ” автобусы янып киткән. Бәхеткә күрә, салонда булған 22 пассажир иҫән-һау сығып өлгөргән.