«Асҡын балы 2022» фестивале ойошторола

Асҡын районы Асҡын ауылында беренсе «Асҡын балы 2022» фестивале ойошторола, тип хәбәр иттеләр муниципалитеттан.

«Баллы әйлән-бәйлән» ҙур концерт программаһынан тыш, байрам ҡунаҡтарын иң тәмле башҡорт балы һәм «Шәп умартасы» исеме өсөн тауыш биреү, йәш умартасылар өсөн түңәрәк өҫтәл, төрлө конкурстар, «Тыуған умарталыҡ» фотокүргәҙмәһе, балдан косметик битлектәр эшләү буйынса оҫталыҡ дәрестәре, халыҡ кәсептәре һәм дарыу үләндәре күргәҙмә-йәрминкәһе көтә.

«Асҡын балы 2022» фестивалендә бал һәм ауыл хужалығы ихаталары ойошторола, унда бал, йәшелсә, емеш-еләк һатып алырға мөмкин.

Фестиваль иртәнге сәғәт 11-ҙә асыла.

Хәтерегеҙгә төшөрәбеҙ, августың икенсе йәкшәмбеһендә Башҡортостан умартасылары көнө билдәләнә. Быйыл ул календарь буйынса 14 августа билдәләнгән Медовый спас байрамы менән тура килде.

Сығанаҡ: https://www.bashinform.ru/news/social/2022-08-12/v-bashkirii-proydet-pervyy-medovyy-festival-as-yn-baly-2022-2906638