Ҡаҙағстанда «Йыйын» байрамы үтә

Ҡаҙағстандың Кустанай ҡалаһында 14 августа башҡорттарҙың боронғо «Йыйын» байрамы үтә.

Сараны «Азатлыҡ» башҡорт этномәҙәни берләшмәһе ойоштора. Программала – Сибай филармонияһы артистарының сығышы, спорт һәм традицион ярыштар, уйындар, шул иҫәптән милли көрәш. Еңеүсегә – һарыҡ. Үҙешмәкәр йырсылар, бейеүселәр һәм инструменталистар сығыш яһай. Бал, шифалы үләндәр, сироптар һәм башҡа тауарҙар йәрминкәһе була.