Башҡортостандан Ҡаҙағстанға тағы бер рейс асылды

Red Wings авиакомпанияһы Федераль һауа транспорты агентлығынан «Өфө» халыҡ-ара аэропортынан Ҡаҙағстанға тағы бер рейс асыуға рөхсәт алды, тиелә агентлыҡтың бойороғонда.

Хәҙер Башҡортостандың баш ҡалаһынан Аҡтауға ла самолеттар оса башлай. Аҡтау — Каспий диңгеҙ буйындағы ҙур сәнәғәт ҡалаһы. Уның махсус статусы ла бар. Бында Ҡаҙағстандағы берҙән-бер диңгеҙ порты урынлашҡан, ял итеү һәм күңел асыу индустрияһы, шулай уҡ курорт инфраструктураһы әүҙем үҫешә.

Хәтерегеҙгә төшөрәбеҙ, август башында «Өфө» аэропортынан Ҡаҙағстандың төп иҡтисади үҙәктәренә — Нур-Солтан һәм Алматы ҡалаларына бер блы ике осош программаһы старт алды.

Сығанаҡ: https://www.bashinform.ru/news/economy/2022-08-09/rosaviatsiya-razreshila-organizovat-aviasoobschenie-mezhdu-ufoy-i-aktau-2902991