Троллейбус һәм трамвайҙа йөрөү өсөн хаҡ арта

Өфөлә 16 сентябрҙән трамвай һәм троллейбуста йөрөү хаҡын арттырыу күҙаллана. Баш ҡалабыҙҙың Транспорт инфраструктураһы идаралығы муниципаль электр транспортында юл хаҡының үҙгәреүе тураһында белдерҙе.

Ҡулаҡса һәм банк картаһы менән түләгәндә юл хаҡы 30 һум буласаҡ. “Алға” картаһы менән – 25 һум, уҡыусыларға – 15 һум.

Пассажирҙар ташыу хеҙмәтен күрһәтеүгә максималь тарифтар билдәләү тураһында тейешле ҡарар ҡала хакимиәте сайтында баҫылған.

Фото “Башинформ”дан алынды.