Туристар өсөн 38 глэмпинг асылған

Республикала модулле отелдәр селтәрен үҫтереү туристар ағымын арттырыға ярҙам итергә тейеш, тип иҫәпләй эшҡыуарлыҡ һәм туризм министры Рөстәм Афзалов. 

Башҡортостанда әлеге ваҡытта эшләгән 38 глэмпинг - яңы туризм төрөндәге объект иҫәпләнә. 

Яңыраҡ Ҡырмыҫҡалы районында Natura Park глэмпингы асылды. Проектты тормошҡа ашырыуға 12 миллион һум самаһы аҡса һалынған һәм алты яңы эш урыны булдырылған, тип хәбәр иткәйне «Башинформ» мәғлүмәт агентлығы.

Тиҙҙән Башҡортостанда тағы ла бер нисә глэмпинг асыу планлаштырыла. Яңы туристик урындар булдырыу «Бәләкәй һәм урта эшҡыуарлыҡ, индивидуаль эшҡыуарлыҡ башланғысына булышлыҡ итеү» һәм «Туризм һәм ҡунаҡсыллыҡ индустрияһы» милли проекттарын ғәмәлгә ашырыу сиктәрендә башҡарыла.