Десантсылар байрамы үтте

Кисә Һауа-десант ғәскәрҙәренең 92 йыллығы билдәләнде.

Уны район-ҡалаларҙа төрлөсә үткәрҙеләр. Хәйбулла десантсылары Аҡъяр ауылында йәшәүсе Бөйөк Ватан һуғышы ветераны Иҙрис Түләшевтың йорто алдында шәхсән парад ойошторһа, Әбйәлилдә байрам уңайынан десантсылар ҡул көрәшендә иң көслөләрҙе асыҡлаған.

80 килограмға тиклемге ауырлыҡта Салауаттан Азат Әхмәтйәнов еңеп сыҡты, ә 80 килограмды үткәндәр араһынан Тупаҡтан Азин Мәғәфүров иң көслөһө булды, тип яҙа район гәзите “Осҡон” үҙенең сайтында. Асҡарҙан Айтуған Батталов менән Эдуард Ғәлиуллин икенсе урын алған. Өсөнсөлә Таштимерҙән Сәлмән Вәлиев менән Гусевтан Илдар Батталов булған.