Прививканы ҡасан яңынан яһатырға?

Роспотребнадзор, Һаулыҡ һаҡлау министрлығы, шулай уҡ Бөтә донъя һаулыҡ һаҡлау ойошмаһы ревакцинациянан һуң ярты йыл үткәс ҡабаттан вакцина яһатырға кәңәш бирә. Был хаҡта “Башинформ” мәғлүмәт агентлығында уҙған матбуғат конференцияһында Роспотребнадзорҙың Башҡортостан буйынса идаралығы етәксеһе Анна Казак хәбәр итте.

“Кешенең иммунитеты һаулыҡ торошона, генетикаға, физиологияға бәйле. Шуға күрә бөтәһенә лә “Йыл дауамында ҡабаттан прививка эшләтегеҙ”, – тип кәңәш бирергә хоҡуғыбыҙ юҡ. Антиесемдәр барлыҡҡа килеү үҙенсәлектәре барлығын аңлайбыҙ. Ул һәр беребеҙ өсөн айырым. Өс йылда иммунизация ваҡыты буйынса вакцинаға аныҡ инструкция яҙыу ауыр. Эйе, унда, йыл дауамында, тип яҙылған. Әммә беҙҙең тәҡдим – ярты йыл”, – тип билдәләне Анна Казак.

Сығанаҡ: “Башинформ”.