Көҙгә ҡарай янғын хәүефе арта

Республиканың Ғәҙәттән тыш хәлдәр буйынса дәүләт комитеты рәйесе Фәрит Ғүмәров, әле Башҡортостанда янғын хәүефеһеҙлеге контролдә тотола, бар көстәр һәм тейешле саралар мобилләштерелгән, тип белдерҙе Республикаға идара итеү үҙәгендә кисә үткән Хөкүмәт кәңәшмәһендә.

Урман хужалығы министры Марат Шәрәфетдинов, август аҙағы, сентябрь башында янғын хәүефенең артыуын күҙаллай. Был үләндең быйыл мул үҫеүе һәм уның кибә башлауы менән бәйле.