Благовар районында "Баҫыу көнө" үтә

Башҡортостан ауыл хужалығы министрлығының матбуғат хеҙмәте хәбәр итеүенсә,  Благовар районында республиканың  йәнә13 муниципаль төбәге өсөн “Баҫыу көнө” үткәрелә.

 Ауыл хужалығына арналған традицион сара “ Благоварский” тоҡомсолоҡ - ҡошсолоҡ заводында ойошторола.Семинарҙа ауыл хужалығы культураларын сәсеү һәм йыйыу алыу стратегияһы, тармаҡ өсөн сығарылған яңы техника өлгөләре , шулай уҡ иген культураларының, селекция- орлоҡтарҙың иң яҡшы сорттары менән таныштырыу буласаҡ. Хәбәр итеүебеҙсә семинарға 13 төбәк саҡырылған.

Йылдың тәүге “Баҫыу көнө” ошоға тиклем Ейәнсура районында үткәйне. Унда Урал аръяғының 12 районы ҡатнашты.