Юл фажиғәләре туҡтарға уйламай

Бөгөн иртәнсәк  Стәрлетамаҡ – Салауат трассаһының 24-се саҡрымында Ford Transit автобусы, Volkswagen Polo һәм Toyota Corolla машиналары төкөштө, тип хәбәр итәләр Башҡортостан Эске эштәр министрлығынан.

Аварияла төрлө тән йәрәхәттәре алған автобустың өс пассажиры һәм Volkswagen Polo машинаһының водителе дауаханаға оҙатылған.

Әле Юл хәрәкәте хәүефһеҙлеге дәүләт инспекцияһы хеҙмәткәрҙәре юл-транспорт ваҡиғаһы сәбәптәрен асыҡлай.