Күптән көткән фатир асҡыстарын алдылар

Өфөлә «Менделеев» торлаҡ комплексының 70 алданған өлөшсөһө күптән көткән фатир асҡыстарын алды, тип хәбәр итә "Башинформ" мәғлүмәт агентлығы, баш ҡала хакимиәтенең матбуғат хеҙмәтенә һылтанып.

Проблемалы комплекс төҙөлөшө 10 йылдан ашыу элегерәк башланғайны. Күмәк көс менән Е, Ж һәм 5Л секциялары билдәләнгән ваҡыттан алдараҡ файҙаланыуға тапшырылды.

«2024 йылға муниципалитет менән берлектә ошо квартал тамамланған төҫ алһын өсөн мәсьәләне аҙағына еткерергә уйлайбыҙ», — тип белдерҙе Башҡортостандың төҙөлөш һәм архитектура министры урынбаҫары Артем Ковшов.