Республикала ураҡ эштәре башланды

Республика аграрийҙары уңыш йыйыу эшенә тотондо. Тәүгеләрҙән булып баҫыуға Мәләүез, Көйөргәҙе, Йәрмәкәй, Туймазы Өфө райондары игенселәре сыҡты.

Быйыл ауыл хужалығы эшсәндәренә 1,757 миллион гектар ерҙә иген һәм ҡуҙаҡлы культураларҙы йыйып алырға кәрәк. Шуның 262 мең гектары – ужым ашлығы, 1,495 миллион гектары – иген һәм ҡуҙаҡлы культуралар.  Бынан тыш, 435 631 гектар майҙандан – майлы культураларҙы, 44 320 гектарҙан – шәкәр сөгөлдөрөн, 3900 гектарҙан картуф һәм йәшелсә йыйып алыу бурысы тора.