Беренсе Президенттың хәле нисек?

Интернет киңлектәрендә Башҡортостандың беренсе Президенты Мортаза Рәхимов дауаханаға эләккән, тигән хәбәр таралды.

Был хәлгә “Башинформ” мәғлүмәт агентлығы асыҡлыҡ индерҙе. “Мортаза Ғөбәйҙулла улы Рәхимов Республика һуғыш ветерандары клиник госпиталендә көндөҙгө стационарҙа диспансеризация һәм йыллыҡ профилактик күҙәтеүе үтә. Хәле яҡшы. Ул госпиталгә һалынмаған”, - тип белдерҙеләр Республиканың Һаулыҡ һаҡлау министрлығында, тигән мәғлүмәт бирә үҙенең сайтында мәғлүмәт агентлығы.

Билдәле булыуынса, 2022 йылдың февралендә Мортаза Ғөбәйҙулла улына 88 йәш тулды.  

Уға һаулыҡ һәм оҙон ғүмер теләйбеҙ.