«Башҡорт аты» фестиваленә рәхим итегеҙ

30 июлдә Баймаҡ районында «Башҡорт аты» республика фестивале сиктәрендә ат сабыштары һәм «Бәйге» буйынса Башҡортостан Республикаһының асыҡ чемпионаты үтә.

Чемпионаттарҙы ойоштороусылар булып Башҡортостан Республикаһының Спорт министрлығы, “Ирәндек” башҡорт тоҡомло аттарҙы һаҡлау һәм үҫтереү буйынса хәйриә фонды, Бөтә донъя башҡорттары ҡоролтайының Башҡарма комитеты, Башҡортостан Республикаһының Мас-рестлинг федерацияһы тора, тип хәбәр итә Бөтә донъя башҡорттары ҡоролтайының Башҡарма комитеты үҙенең сайтында.