Юғары баһа биргәндәр

Башҡортостанда төҙөлөш өлкәһендә эшләгән инвесторҙар был өлкәлә күрһәтелгән муниципаль хеҙмәттәрҙе ыңғай баһалай.

Был турала республиканың төҙөлөш комплексында инвестиция эшмәкәрлеге алып барған 46 субъект араһында үткәрелгән тикшереү күрһәткән. Улар төҙөлөшкә рөхсәт биреү, объекттарҙы файҙаланыуға тапшырыу, газ үткәргестәргә тоташтырыу өлкәһендәге ғәмәлдәрҙең һөҙөмтәлелеге тураһындағы һорауҙарға ыңғай яуап биргән.

Респонденттар төҙөлөшкә рөхсәт биреү ваҡытының тиҙ булыуын, мәғлүмәттең тулылығын һәм теүәллеген “биш”кә баһалаған, ә объектты сафҡа индереүгә рөхсәт биреү хеҙмәтенә 4,6 балл ҡуйған.