Бер тәүлектә һыу биш кеше ғүмерен алған

Республиканың Ғәҙәттән тыш хәлдәр буйынса дәүләт комитетынан хәбәр итеүҙәренсә, үткән тәүлектә йылға һәм күлдәрҙә биш кеше батып үлгән.

Фажиғәле хәлдәр Бөрйән, Өфө (ике осраҡ), Кушнарен, Әлшәй райондарында теркәлгән.

Фажиғәле ваҡағалар күп осраҡта ял итеүселәрҙең һыу буйында хәүефһеҙлек ҡағиҙәләрен теүәл үтәмәүе, иҫерек килеш һыуға төшөүе арҡаһында килеп сыға.