«Ҡомартҡы» этник мәҙәниәте форумы үтә

23 июлдә Урал аръяғы башҡорт йәштәре «Ҡомартҡы» этник мәҙәниәте форумына йыйыла. Сара Әбйәлил районы Байым ауылында үтә.

Уның сиктәрендә «Тирмә» мәҙәниәт һәм сәнғәт эшмәкәрҙәре берекмәһе ҡатанашлығында «түңәрәк өҫтәл» ойошторола, «Йыуаса» башҡорт милли ризыҡтары конкурсы, «Ҡалмаҡ араһы шәжәрәһе», оҫталыҡ дәрестәре үтә. Тәү тапҡыр лаҡап һөйләүселәр ярышы уҙғарыла. Форумға йәштәр, ғаилә династиялары, ижади коллективтар етәкселәре, ғалим-фольклорсылар, тарихсылар, эшҡыуарҙар, сәнғәт, спорт эшмәкәрҙәре, Рәсәйҙең төрлө төбәгендә йәшәүсе башҡорт диаспораһы вәкилдәре саҡырыла.