Һыу ҡорбандарын ала

Сибай ҡалаһының Төйәләҫ йылғаһында 51 йәшлек ир һыуға батҡан.

Үткән ялда Өфөлә, Ҡариҙел йылғаһында, кешеләрҙең күҙе алдында егет һыу аҫтына китә. Яр буйында йәштәр спиртлы эсемлектәр эсеп ял иткән була. Ике егет һәм бер ҡыҙ сигнал билдәһенә тиклем йөҙөп бара һәм бер мәл егеттәрҙең береһе бата башлай. Уға ярҙам итеп өлгөрмәйҙәр.

Фажиғәле ваҡағалар күп осраҡта ял итеүселәрҙең һыу буйында хәүефһеҙлек ҡағиҙәләрен теүәл үтәмәүе, иҫерек килеш һыуға төшөүе арҡаһында килеп сыға.