Рөстәмдең сираттағы еңеүе

Рөстәм Нәбиев ҡатыны Индира менән Кавказдың иң бейек түбәһе Казбекка күтәрелгән.

Ошоға тиклем Рөстәм Манаслу менән Эльбрусты яуланы. Казбектың бейеклеге - 5033,8 метр.

Рөстәм Нәбиев 2015 йылда һауа-десант ғәскәрҙәренең 242-се уҡыу үҙәге казармаһы емерелеү һөҙөмтәһендә ике аяҡһыҙ ҡалғайны.

Көслө характерлы, ҡорос ихтыярлы егет юғалып ҡалмай, әүҙем спорт менән шөғөлләнә, билдәле блогер булып китә. Ул – Непалдағы һигеҙ мең метрҙан юғары Манаслу үренә ҡулдарында күтәрелгән донъялағы берҙән-бер кеше.

Хәләл ефете Индира менән ике ҡыҙ тәрбиәләйҙәр.