“Йылы мөнәсәбәттәрегеҙҙе һаҡлағыҙ”: Радий Хәбиров республика халҡын Ғаилә, мөхәббәт һәм тоғролоҡ көнө менән ҡотланы

Башҡортостан Башлығы Радий Хәбиров республикала йәшәүселәрҙе Ғаилә, мөхәббәт һәм тоғролоҡ көнө менән ҡотланы.

“Бөрө. Матур, боронғо һәм заманса ҡала. Ғаилә, мөхәббәт һәм тоғролоҡ көнө менән! Йылы мөнәсәбәттәрҙе һаҡлағыҙ”, — тигән яҙмаһы менән уртаҡлашты ул “Бәйләнештә” социаль селтәрендәге сәхифәһендә.

Республикабыҙ етәксеһе бөгөн эш сәфәре менән Бөрө ҡалаһында булды. Унда республика ғаилә фестивале ойошторолдо. Ҡала халҡы һәм ҡунаҡтары өсөн күңел асыу саралары, йәрминкә һәм аш-һыу байрамы уҙҙы, шулай уҡ байрам концертына Рәсәй йондоҙҙары Наталья Сенчукова менән Виктор Рыбин да саҡырылғайны.

Сығанаҡ: “Башинформ”.