Муса Гәрәевҡа арналған «Башҡортостан ыласыны» күргәҙмәһе асыла

6 июлдә Өфөлә Республика Хәрби Дан музейында «Башҡортостан ыласыны» күргәҙмәһе асыла.

Күргәҙмәлә ике тапҡыр Советтар Союзы Геройы Муса Гәрәевтың Өфө аэроклубында белем алыуы, летчик булып китеүе, 1941-1945 йылдарҙағы Бөйөк Ватан һуғышында ҡатнашыуы, һуғыштан һуңғы тормошо, ғаиләһе тураһында биографик материалдар тәҡдим ителә.

Күргәҙмәлә Гәрәевтың балауыҙ һыны менән инсталляцияны, фотоһүрәттәрҙе, СССР осоронда осоусыларҙың обмундированиеһын һәм авиация атрибутикаһын күрергә мөмкин.

Күргәҙмә 2022 йылдың 17 октябренә тиклем эшләй.

Сығанаҡ: https://www.bashinform.ru/news/social/2022-07-04/v-ufe-otkroetsya-vystavka-sokol-bashkortostana-posvyaschennaya-letchiku-muse-gareevu-2862108