Рәсәйҙең Үҙәк банкы яңы 100 һумлыҡ аҡса сығарған

30 июндә Рәсәйҙә 100 һумлыҡ яңы аҡса әйләнешкә индерелде. Уның дизайны яңы, 200 һумлыҡ купюра кеүек көсәйтелгән һаҡлағыс комплексы бар.

Бер яғында — Мәскәү Кремленең Спас башняһы, икенсе яғында Совет Һалдатына ҡуйылған Ржев мемориалы төшөрөлгән.

Банкнота зәйтүн-ҡыҙғылт һары төҫтә, махсус QR-коды ла бар, уның аша Рәсәй банкының сайтына инергә мөмкин.

Үҙәк банкта белдереүҙәренсә, яңы аҡсалар әйләнешкә яйлап индерелә.

Сығанаҡ: https://www.bashinform.ru/news/social/2022-06-30/tsentrobank-rossii-predstavil-novuyu-100-rublevuyu-banknotu-2859131