Көҙөн коронавирустың яңы тулҡыны килеүе мөмкин

Көҙ көнө Башҡортостанға коронавирустың яңы тулҡыны килеүе ихтимал, тип хәбәр итте республиканың һаулыҡ һаҡлау министры Айрат Рәхмәтуллин Business FM радиостанцияһына интервьюһында.

“Эпидемиологик хәлдең яҡшырыуына ҡарамаҫтан, сирҙең яңы тулҡынына әҙерләнәбеҙ. Был тәү сиратта миҙгелле гриптың һәм киҫкен респиратор вирус инфекцияһының башланыуына бәйле", — тине Айрат Рәхмәтуллин.

Министр һүҙҙәренсә, һуңғы айҙа ауырыу кимәле 30% кәмегән. Башҡортостан икенсе аҙна рәттән Рәсәйҙә халыҡты вакцинациялау һәм ревакцинациялау темпы буйынса өсөнсө урынды һаҡлап ҡалды.

Сығанаҡ: “Башинформ”.