Өфөнөң төньяҡ өлөшөндәге урам өс айға ябыла

1 июлдән 30 сентябргә тиклем Сельская Богородская урамында транспорт хәрәкәте өлөшләтә сикләнә.

Атап әйткәндә, ул Интернациональ урамынан алып «Гастелло» юл үткәргесенә тиклем өлөшләтә ябыла.

«Сикләү юл япмаһын ремонтлауға бәйле индерелә. Асфальт түшәгән ваҡытта троллейбустар хәрәкәте ябыла», — тип билдәләнеләр мэрияның матбуғат хеҙмәтендә.

Ҡала хеҙмәттәре өфөләргә һәм баш ҡала ҡунаҡтарына маршрутты алдан билдәләргә кәңәш бирә.