Стоматология кабинеттары асыла

 “Сәләмәт йылмайыу” модуле, “Ҡанатлан” белем биреү  проекты сиктәрендә мәктәптәрҙә 68 стоматология кабинеттары асылған. Был хаҡта үҙенең сәхифәһендә Башҡортостан Башлығы Радий Хәбиров яҙған.

Республика етәксеһенең билдәләүенсә, кабинеттарҙың барыһы ла лицензияланған,  балалар стоматологияһы талаптарынан сығып, заманса дауалау комплекстары менән йыһазландырылған.

• Ағымдағы йылда ғына стоматолог креслоһында 86 мең бала тешен дауалаған. Шул уҡ ваҡытта педагогтарҙы ла хеҙмәтләндерәбеҙ. Киләһендә республика мәктәптәрендә йәнә 12 стоматология кабинеты асыу күҙаллана. Теш дауалау хеҙмәте һәр ҡала һәм ауылда, хатта үҙәктән алыҫ төбәктәрҙә лә булырға тейеш, - тип яҙған Радий Фәрит улы.