+14 °С
Ясна
Антитеррор
Бөтә яңылыҡтар

Медиктар көнөндә аҡ халатлылар парады буласаҡ

24 июндә Башҡортостанда Медицина хеҙмәткәрҙәре көнө билдәләнә. Был көндө Өфөлә 300-ҙән ашыу медицина хеҙмәткәрен федераль һәм төбәк наградалары менән бүләкләү тантанаһы була, шулай уҡ аҡ халатлыларҙың байрам парады уҙасаҡ.

Медиктар көнөндә аҡ халатлылар парады буласаҡ
Медиктар көнөндә аҡ халатлылар парады буласаҡ

24 июндә Башҡортостанда Медицина хеҙмәткәрҙәре көнө билдәләнә. Был көндө Өфөлә 300-ҙән ашыу медицина хеҙмәткәрен федераль һәм төбәк наградалары менән бүләкләү тантанаһы була, шулай уҡ аҡ халатлыларҙың байрам парады уҙасаҡ.

Медицина хеҙмәткәрҙәрен тантаналы рәүештә ҡотлау иртәнге сәғәт 10-да башлана һәм бер үк ваҡытта алты майҙансыҡта үткәрелә:

– "Торатау" конгресс-холы;

– Опера һәм балет театры, 2 зал;

– Башҡортостан Республикаһы Дәүләт Йыйылышы – Ҡоролтай залы;

– Башҡорт дәүләт медицина университетының корпусы залы;

– Башҡортостан Һаулыҡ һаҡлау министрлығының конференциялар залы.

Көндөҙгө сәғәт 12-се 30 минутта Башҡорт драма театры алдындағы майҙанда медицина ойошмаларының ижади коллективтары ойошторған концерт була.

Сәғәт 1 тула 10 минутта медицина хеҙмәткәрҙәренең парады башлана. Медицина ойошмаларының символикаһын һәм флагтарын тотҡан колонна Зәки Вәлиди урамынан “Торатау” Конгресс-холына тиклем барасаҡ.

Парад тамамланғас, көндөҙгө сәғәт 2-лә, “Ватан” паркында ҡунаҡтарҙы Башҡортостан йондоҙҙарынан байрам концерты һәм дәүләт наградалары менән бүләкләү көтә.

Сығанаҡ: “Башинформ”.

 

Автор:
Читайте нас в