Кәрәкле һөнәрҙәр һайлауҙа ярҙам

Башҡортостандың 70 мең уҡыусыһы хеҙмәт баҙарына кәрәкле һөнәрҙәр һайлауҙа профессиональ ориентация сараларында ҡатнашҡан.

• “RPOF мөхит”, “Профоҫталыҡ дәрестәре”, “Минең хобби- минең эш” республика фестивалдәре, “ Взлетай” мәктәп мәғарифе республика өсөнсө форумы кеүек саралар уҡыусыларҙа киләсәккә һөнәр һайларға ярҙам итә,- тине республиканың фән һәм мәғариф министры Айбулат Хажин.

“Йәш профессионалдар”(woridSkills Russia) милли чемпионатының финалы ла үҙенең кәрәкле сара булыуын күрһәткән. Чемпионаттың финалында 5-11 класс уҡыусылары өсөн профориентация майҙансығы эшләгән. 1700 бала һөнәр һайлауҙа шәхси маршрут төҙөү өсөн кәрәкле тәҡдимдәр алған.

2021 йылда Башҡортостана “Киләсәккә билет” проекты сиктәрендә Бөтә Рәсәй профориентация дәрестәре үткән.