Китмәҫтәй булды ла һуң был вирус

Уҙған 24 сәғәттә республикала коронавирус инфекцияһы 51 ауырыуҙа асыҡланған. Уны йоҡтороусыларҙың дөйөм һаны 289 660 иҫәпләнә, тип хәбәр итә Башҡортостан Һаулыҡ һаҡлау министрлығы.

Ҡыҙғанысҡа ҡаршы, аҙаҡҡы тәүлектә ковидтан йәнә бер ғүмер өҙөлгән. Пандемия башланғандан алып зәһәр вирустан 5 716 яҡташыбыҙ вафат булған, уларҙың күпселеге – 60 йәште үткән ханымдар һәм уҙамандар.

Әлеге ваҡытта республикала коронавирусҡа ҡаршы вакцинацияны 2 617 619 кеше тамамлаған, прививканы ҡабаттан яһатыусылар – 599 меңгә яҡын.