Ә һеҙ диспансеризация үттегеҙме әле?

Башҡортостанда быйыл 1 031 376 кеше диспансеризация үтергә тейеш булһа, 438 228 яҡташыбыҙ (йәғни 42,5 процент) уны тамамлаған да инде. Был турала Хөкүмәттең бөгөнгө оператив кәңәшмәһендә һаулыҡ һаҡлау министры Айрат Рәхмәтуллин хәбәр итте.

 Министр профилактик медицина тикшереүҙәрен 94 203 кеше (билдәләнгәндең 40,8 проценты) үтеүе хаҡында һөйләне. Ковид кисергәндән һуң өҙлөгөүҙәрҙе булдырмау маҡсатында тәрәнәйтелгән диспансеризацияны 123 845 кеше (пландағының 34,7 проценты) уҙған.