Байрам алды эш көнө ҡыҫҡартылмай

Рәсәй көнө дәүләт байрамына бәйле иртәгә өс көнлөк ялдар башлана.

Башҡортостандың Дәүләт хеҙмәт инспекцияһынан белдереүҙәренсә, 12 июндә билдәләнгән Рәсәй көнө байрамы быйыл йәкшәмбегә тура килә, шуға күрә ял дүшәмбегә күсерелә. Шулай итеп, 11, 12 һәм 13 июнь — ял көндәре. Бөгөн, 10 июндә, эш көнө ҡыҫҡартылмай. Йыллыҡ түләүле отпуск биргәндә 12 июнь отпускының календарь көндәре иҫәбенә индерелмәй.