Евразия ғилми- белем биреү үҙәге йәш ғалимдарҙы бүләкләне

Өфөлә Башҡортостандың фәнни учреждениелары һәм юғары уҡыу йорттарының йәш ғалимдары араһында иң яҡшы ғилми хеҙмәт конкурсы еңеүселәрен билдәләнеләр. 12 номинация буйынса дипломдарға 60- н ашыу ғалим һәм ғилми коллективтар лайыҡ булды.

Конкурста республиканың йәш аспиранттары, 35 йәшкә тиклемге фән кандидаттары, 40 йәшкә тиклемге фәндәр докторҙары һәм ғилми коллективтар  ҡатнашты.

 Республика университеттары һәм фән ойошмалары алдында ғилми- белем биреү өлкәһендә кадрҙар потенциалын үҫтереү, йәш ғалимдарға стимул биреү һәм фундаменталь тикшеренеүҙәрҙе тормошҡа ашырыу бурысы тора.

• Был республиканың фән өлкәһендә үткәрелгән боронғо конкурстарҙың береһе. Евразия ғилми – белем биреү үҙәге уны хупланы һәм беҙ уны артабан үҫтереп, еңеү яулаған йәштәргә стажировка үтеү мөмкинлеге  һәм башҡа номинацияларҙа еңеү яулауына булышлыҡ итәсәкбеҙ. Был иһә конкурстың һәм ғалим абруйын күтәреүгә этәргес буласаҡ, - тигән Башҡортостан Башлығының фән һорауҙары буйынса кәңәшсеһе Руслан Ҡазыханов.