Милли матбуғат өсөн кадрҙар мәсьәләһен хәл итеүгә бер аҙым

Быйыл Башҡорт дәүләт университетында "Журналистика" йүнәлеше буйынса белгестәр әҙерләүгә бюджет урындары бүленә.

Ике бюджет төркөмө йыйыласаҡ, уларҙың берәүһе башҡорт телен белгән журналистарҙы әҙерләүгә йүнәлтеләсәк. Шулай уҡ яңы профиль асыла - ул көнсығыш телдәрен белгән журналистарҙы әҙерләүгә махсуслаша.

Был хаҡта Башҡорт дәүләт университетының башҡорт филологияһы, шәрҡиәт һәм журналистика факультеты деканы, профессор, филология фәндәре докторы Гөлфирә Абдуллина социаль селтәрҙәрҙәге үҙенең шәхси битендә яҙа.